Bizkaia eta Gipuzkoa eremu laranjatik atera eta horian sartu dira

Bizkaia eta Gipuzkoa eremu horira igaro dira azken orduetan, EAEko beste hainbat udalerrirekin batera, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Hortaz, EAEko hiru lurraldeak eremu horian daude. Gainera, Aretxabaleta, Zumaia eta Zumarraga gorritik atera dira.

Arabak (151 kasu 100.000 biztanleko) eremu horiari eutsi dio, baita Amurriok, Agurainek, Gasteizek eta Laudiok ere.

Bizkaiak atzean utzi du eremu laranja eta horira igaro da (100.000 biztanleko 295 kasu), baina udalerri hauetan gorri dago oraindik semaforoa: Abanto, Galdakao, Muskiz, Sestao, Sopela, Trapagaran eta Zalla.

Laranjaz, bestalde, udalerri hauek ageri dira: Basauri, Bilbo, Etxebarri, Getxo, Leioa, Mungia, Sopela eta Santurtzi. 

Hori dauden udalerriak honakoak dira: Abadiño, Arrigorriaga, Balmaseda, Bermeo, Berango, Bermeo, Derio, Durango, Elorrio, Erandio, Ermua, Gernika-Lumo, Gorliz, Gueñes, Markina-Xemein, Ondarroa, Ortuella, Portugalete, Zornotza eta Santurtzi. Egoerak hobera egin du azken orduetan Barakaldon, eta hemen ere hori jarri da semaforoa.

Lekeitio-k berde jarraitzen du.

Gipuzkoan ere egoerak hobera egin du eta horiz margotuta ageri da lurraldea (293 kasu 100.000 biztanleko). Hiru udalerrik jarraitzen dute eremu gorrian: Azkoitiak, Oñatik eta Tolosak.

Astigarraga, Errenteria, Hernani, Donostia, Lasarte-Oria, Ordizia, Usurbil eta Zarautz laranja ageri dira, eta Aretxabaleta, Zumaia eta Zumarraga gehitu zaizkie azken orduetan.

Andoain, Arrasate, Azpeitia, Beasain, Bergara, Deba, Eibar, Elgoibar, Hondarribia, Lazkao, Oiartzun, Orio, Pasaia, Urnieta, Urretxu eta Villabona, berriz, hori daude, eta Irun, Legazpi eta Lezo ere zerrendara batu dira.

Mutrikuk berde jarraitzen du.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.