Gizartea -

EMAKUMEEN AURKAKO INDARKERIA

49 urteko gizon bat atxilotu dute Gasteizen, amari eraso egitea egotzita

Emakumeak salatu duenez, tratu txar fisiko eta psikologiko jarraituak eragiten dizkio semeak.

EITB MEDIA | AGENTZIAK

Whatsapp Facebook Twitter Telegram Email

Gasteizko Udaltzaingoak 49 urteko gizon bat atxilotu zuen atzo Zaramaga auzoan, amari eraso egitea leporatuta.

Atxilotuak berak deitu zion Udaltzaingoari, 23:30ak aldera, Zaramagako bere etxean amarekin "gatazka" izan zuela eta udaltzainak bertaratu zitezela eskatuz.

Etxebizitzara joan ziren agenteek emakumea lurrean eserita aurkitu zuten. Emakumeak kontatutakoaren arabera, semeak eraso egin zion eta sukalderaino arrastaka eraman zuen. Haren esanetan, tratu txar fisiko eta psikologiko jarraituak eragiten dizkio semeak. 

Ama jo zuela onartu zuen semeak eta udaltzainek atxilotu egin zuten, etxeko indarkeria delitua egotzita. Halaber, udaltzainek anbulantzia bat eskatu zuten emakumea artatzeko, oso urduri baitzegoen.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Tratu txarrak Indarkeria matxista gaur Araba Gizartea bideoak Eguneko albisteak Gasteiz Eguneko albisteak Zaramaga auzoa