Erresuma Batuko aldaerarekin kutsatutako 10 pertsona atzeman dituzte Baionan

EITBk baieztatu ahal izan duenez, Aviron Bayonnais errugbi taldeko 10 kidek eman dute positibo.

PCR proba

PCR proba. Irudia: EFE

EITB MEDIA

publikatuta: 2021/01/03 11:44 (UTC+1)

azken eguneratzea: 2021/01/03 14:22 (UTC+1)

Baionan Erresuma Batuko aldaera berriarekin kutsatutako kasuak atzeman dituzte.

EITBk baieztatu ahal izan duenez, Aviron Bayonnais errugbi taldeko 10 kidek eman dute positibo koronabirusaren aldaera berrian. Abenduaren 19an Leicesterren aurka jokatu eta gero atzeman dituzte kasuak jokalarien artean.

Taldeko arduradunen arabera, kutsatzeak eragin zituen hutsunea covid-19aren aurkako "protokoloan" egon zen, PCR probak partida jokatu baino bost egun lehenago egin baitzitzaizkien jokalariei.

Atzemandako kasu guztiak sintomarik gabekoak direla adierazi dute, baina badaezpada taldeko kide guztiek beteko dute berrogeialdia, urtarrilaren 7ra arte.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Hau zure interesekoa bada, baliteke beste gai hauek ere izatea

Erresuma Batuko aldaerarekin kutsatutako 10 pertsona atzeman dituzte Baionan

Esteka kopiatuta