2020an eitb.eus-en gehien ikusitako albisteak

Covid-19a izan da, dudarik gabe, pandemiaren urteko protagonista nagusia. Planeta osoko belaunaldi guztietako biztanleek ez dute inoiz 2020 ahaztuko. Koronabirusak 2019 bukaeran eman zituen lehenengo pausuak, baina 2020ko lehen hilabeteetan heldu zen Europa eta mundu osoa jarri zuen estutasunean.

Herritarrak, inoiz ez bezala, hedabideek emandako informazioa irakurri, ikusi eta entzun dute. Birusak ospitaleak, erresidentziak eta gure bizitzak kolpatu ditu, eta azken ordua ezagutzea funtsezkoa bilakatu da aurten. Izan ere, egunerokoa baldintzatu duten neurri murriztaileak ezagutu nahi izan dituzte herritarrek.

Aurten zifrak izan ditugu hizpide etengabe: eguneko kasu berriak, positibotasun tasa, ospitaleratze berriak, zaintza intentsiboetako unitateetan dauden pertsonen kopurua… Pandemiaren datuak hauek egunero biltzen ditugu Euskal Autonomia Erkidegoko eta Nafarroako Foru Erkidegoko erradiografietan, egunez egun eta herriz herri. Albiste hauek horiek daude eitb.eus-en gehien irakurri diren albisteen artean, Google Analyticsek emandako eta OJDk auditatutako datuen arabera.

Pandemiak Italia astindu zuen lehenik, eta ondoren Europa osora zabaldu zen. Hego Euskal Herrian hedatuta zegoenean, gobernuek herritar guztientzako konfinamendua ezarri zuten, eta euskal herritarrek egin zitezkeen eta egin ezin zitezkeen gauzak ezagutu nahi izan zituzten.

Udaberriarekin batera, neurriak pixkanaka lasaituz joan ziren. Adibidez, zenbait mailatako ikasle eskoletara itzuli ziren EAEn. Deseskalatzeari ekin genion Hego Euskal Herrian, eta herritarrek hasiera batean korapilatsuak ziren faseen ezaugarriak kontsultatu zituzten eitb.eus-en.

Pandemiak dena baldintzatu du urtean zehar, baina bestelako albisteak ere izan dira. Uztailean, Eusko Legebiltzarrerako hauteskundeak egin ziren. EAJ izan zen alderdi bozkatuena EAEko hiru lurraldeetan.

Egunerokoa aldatu diguten albisteen artean dago musukoa erabiltzeko derrigorra. Eta azkenaldian, txertoei begira ibili gara, noiz iritsiko zain. Baina covid-19aren kontrakoa baino lehen, gripearen aurkako txertoa jartzeko kanpaina hasi zen, urrian.

Bigarren olatuarekin batera, irteerara itzuli ginela sentitu genuen. Udan atseden hartzeko aukera izan ostean, Eusko Jaurlaritzak berriz ezarri zituen mugikortasuna mugatzen zituzten neurriak, eta autonomia erkidegoek mugak itxi zituzten.

Pandemia osoan zehar, gure adituak ere protagonista izan dira. Epidemiologoei, birologoei eta mota askotako zientzialariei gure zalantzak galdetu dizkiegu. Horien artean dago Felix Zubia ZIUko medikua, igandero zalantzak argitzen ibili dena Euskadi Irratian.

Kultura pandemiak gehien kaltetutako sektoreetako bat da. Baina gozatzeko arrazoiak eman dizkigu aurten ere. Huntza eta Euskadiko Orkestraren arteko elkarlanaz sortutako bideo hau izan da gurean ikusiena: "Lasai lasai".

Hona hemen gehien ikusitako 10 albisteen zerrenda:

1. Koronabirusaren erradiografia EAEn: kasuak herriaren, adinaren eta sexuaren arabera

2. "Erabateko itxialdia" ezartzeko eskatu die agintariei Felix Zubia ZIUko medikuak

3. Batxilergoko eta Lanbide Heziketako ikasleak, maiatzaren 18tik aurrera eskolara EAEn

4. Zer dago baimenduta eta zer debekatuta alarma egoeran?

5. Zer baimendu dute 1 fasean?

6. Koronabirus kasuak Nafarroan: kurbaren egoera

7. Udalerritik ateratzea galarazi eta EAE ixtea agindu du Jaurlaritzak

8. Covid-19ak baldintzatutako hauteskundeei eitb.eus-ek egindako jarraipena

9. Nori komeni zaio gripearen aurkako txertoa jartzea?

10. Musukoa derrigorrezkoa da jada EAEn

Kiroletan, ekitaldi mordoa bertan behera utzi ziren koronabirusaren erruz. Egutegia aldatuta, zenbait proba egin ahal izan dira, publikorik gabe bada ere. Honakoak dira gehien ikusitako edukiak:

1. Pogacar, 2020ko Tourreko garaile

2. Bideoa: Sarako Izarra, dir-dir

3. Baikoko pilotarien prentsaurrekoaren bideoa: greba egingo dute

4. Binakako Txapelketaren sailkapena eta egutegia

5. Bideoa: Espioitza Urdaibai Arraun Elkarteko egoitzan

6. Kopako finalari buruzko jarraipena

7. Ospakizunak Gasteizko kaleetan Baskoniak liga txapelketa irabazi ondoren

8. Baikok kirol arrazoiengatik Bengoetxea baztertu du

9. Aritz Adurizi bere arrebak eskaini dion abesti bereziaren bideoa

10. Ione Basterra hil da, 25 urterekin