Gizartea -
Sua
Gorpu bat kiskalita aurkitu dute Bilbon, etxebizitza batean sutea izan ondoren
Sua 14:00ak aldera piztu da Egaña kalean, Bizkaiko hiriburuaren erdialdean. Hildakoa adineko gizon bat da. Ertzaintzaren arabera, istripu bat izan liteke, baina ikerketa oraindik zabalik dago.
eitb.eus
Larrialdi zerbitzuek pertsona baten gorpua topatu dute arratsaldean, Bilboko etxebizitza batean. Etxe horretan sutea izan da, ikertzen ari diren arrazoiengatik. Hildakoa adineko gizon bat da.
Eusko Jaurlaritzako Segurtasun Saileko iturriek jakitera eman dutenez, sua 14:00ak aldera piztu da Egaña kalean, Bizkaiko hiriburuaren erdialdean.
Larrialdi zerbitzuak bertaratu dira, eta gorpua kiskalita aurkitu dute etxebizitza barruan.
Ertzaintzaren arabera, istripu bat izan liteke, baina ikerketa oraindik zabalik dago, ETBk jakin ahal izan duenez.