Gizartea -
Koronabirusaren semaforoa
Kutsatzeek behera egin dute EAEn: 38 udalerri gorri, 26 laranja eta 7 hori
Abadiñon, Amurrion, Derion, Bermeon, Elorrion, Trapagan eta Zumaian nabarmen egin du hobera egoerak. Herri horiek guztiak eremu horian daude.
eitb.eus
Gipuzkoan dago egoera larrien, 27 udalerri baitaude gorriz: Andoain, Aretxabaleta, Arrasate, Astigarraga, Azkoitia, Azpeitia, Beasain, Bergara, Deba, Donostia, Eibar, Elgoibar, Errenteria, Hernani, Lasarte-Oria, Lazkao, Lezo, Mutriku, Oñati, Ordizia, Orio, Pasaia, Tolosa, Urretxu, Villabona eta Zumarraga.
Halere, egoerak hobera egin du lurralde horretan azken orduetan. Maila laranjan daude Hondarribia, Legazpi, Oiartzun, Urnieta, Usurbil eta Zarautz.
Zumaiak eremu horira egin du jauzi.
Bizkaian, 11 herri daude eremu gorrian: Arrigorriaga, Barakaldo, Basauri, Bilbo, Ermua, Etxebarri, Getxo, Gueñes, Leioa, Ondarroa, Sopela eta Zalla.
Laranjaz margotuta daude, berriz, honakoak: Abanto, Balmaseda, Berango, Durango, Erandio, Galdakao, Gernika, Gorliz, Leioa, Lekeitio, Mungia, Muskiz, Ortuella, Portugalete, Santurtzi, Sestao eta Zornotza.
Eremu horian bost udalerri daude: Abadiño, Bermeo, Derio, Elorrio eta Trapaga.
Arabari dagokionez, Amurrion egoerak hobera egin du, eta, beraz, eremu laranjatik ateratzea lortu du. Agurainek, Gasteizek eta Laudiok kolore horri eutsi diote azken orduetan.
Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak. Zehazki, semaforo horrek kolore berde, laranja, hori edo gorriarekin sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela erabiltzen dira:
