200 zehapen proposamen baino gehiago egin dira Nafarroan asteburuan

Asteburuan osasun araudia ez betetzeagatik egindako 200 zehapen proposamenetatik 135 Iruñean jarri dituzte.

Nafarroako kale bat hutsik. Argazkia: EFE

AGENTZIAK | ERREDAKZIOA

publikatuta: 2020/10/27 10:21 (UTC+1)

azken eguneratzea: 2020/10/27 10:27 (UTC+1)

Poliziak 200 zigor proposamen baino gehiago egin ditu asteburu honetan Nafarroan, COVID-19aren inguruko osasun araudia ez betetzeagatik.

Iruñean, Foruzaingoak eta Udaltzaingoak elkarrekin egindako operatiboan, 135 zehapen proposamen jarri dituzte, horietako 64 kalean litroak egiten egoteagatik, 39 maskara ez eramateagatik eta 21 sei pertsona baino gehiago elkartzeagatik. Beste 115ak erkidegoko beste udalerri batzuetan egin ditu Foruzaingoak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Hau zure interesekoa bada, baliteke beste gai hauek ere izatea

Iruñea Nafarroa Gaixotasunak Gizartea Eguneko albisteak Albisteak Koronabirusa Alarma egoera Isunak

200 zehapen proposamen baino gehiago egin dira Nafarroan asteburuan

Esteka kopiatuta