Azpeitiko rally batean parte hartzen ari zen pilotu nafar bat hil da

XXVIII. Urrakiko Igoeran parte hartzen ari zen Iñaki Irigoien nafarra hil da, Segurtasun Sailaren iturrien arabera. Azpeitiko (Gipuzkoa) rallyan parte hartzen ari zela, petril baten kontra jo du bere ibilgailuak, kirol proba hasi eta gutxira.

Autoen arteko proba egiteko itxita zegoen GI-3740 errepideko 2,5 kilometroan izan da istripua, lasterketa hasi eta gutxira. 10:00etan hasi da proba, igandean.

Pilotua, autoak petrilaren kontra jo ostean, barruan harrapatuta geratu da. DYAko talde bat eta Ertzaintzako agenteak bertaratu dira. Antolakuntzaren medikuek bere heriotza baieztatu dute, 11:00ak inguruan.

Zendutako pilotuaren senideak Euskadiko Txapelketaren parte den lasterketa ikusten egon dira.

Irigoien, 50 urteko pilotu iruindarra, Nafarroako txapelduna zen diziplina honetan. Eskarmentu handiko pilotua zen, eta ibilgailu berri bat estreinatzen ari zen, Tracking RC 01, Ignauto Sport taldean. Larunbatean sailkatze proban aritu zen.

Nafarroako Automobilismo Federazioan oso hunkituta daude, oraindik Irigoienen heriotza "ezin sinetsita". Azken bi urteetako Nafarroako txapelduna izan da.

Iturrien arabera, Azpeitiko rallya 2020an egin diren apurrenetariko bat da, pandemiaren ondorioz. "Zuzenean ezabatzeko urtea da", esan dute.

Nafarroako Gobernuak ere oharra kaleratu du Iñaki Irigoyenen heriotzagatik samina adieraziz.