Gizartea -
Koronabirusa
Nafarroa eta EAE, Espainiako Estatuan PCR proba gehien egiten dituzten erkidegoak
Foru Erkidegoan, 1.000 biztanleko 411,2 proba egiten dituzte, eta EAEn, 376,8.
Agentziak | Erredakzioa
Nafarroako Foru Erkidegoa eta Euskal Autonomia Erkidegoa (EAE) dira Espainiako Estatuan koronabirusa atzemateko PCR proba gehien egiten dituzten erkidegoak. Zehatz esanda, Euskadiko osasun zerbitzuak 822.233 test egin zituen urriaren 1era arte, hots, 1.000 biztanleko 376,8 PCR proba. Aurretik du Nafarroa, 1.000 biztanleko 411,2 egin baititu. Espainiako Estatuko batez besteko tasa 214,78koa da.
Proba horiez gain, Osakidetzak 142.214 test azkar egin zituen hilaren 1era arte. Bestela esanda, 1.000 biztanleko 65,18ko tasa du EAEk; Espainiako Estatuko batez bestekoa 51,5ekoa da.
Nafarroan, Osasunbideak 58.172 proba azkar egin zituen aipatu datara arte. Tasa, beraz, 89,15ean du Foru Erkidegoak.
Esan bezala, Nafarroa da Espainiako Estatuan PRC gehien egiten dituen erkidegoa (411,2), eta EAE da bigarrena (376,8). Zerrendan, ondoren daude Errioxa (366,8), Asturias (309,5), Balearrak (279,9) eta Kantabria (279,8).
