Gizartea -
Istripua Nafarroan
Hiru pertsona zauritu dira Igantzin, bi ibilgailuk aurrez aurre talka eginda
Ezbeharra 13:48 aldera gertatu da N-121-A errepidean. Hiru zaurituak Irungo Ospitalera eraman dituzte. Errepidea itxi behar izan dute, erreskate eta garbiketa lanak burutzeko.
Agentziak | Erredakzioa
Hiru pertsona zauritu dira Igantzin (Nafarroa), bi ibilgailuk aurrez aurre talka eginda, N-121-A errepidean.
Ezbeharra 13:48 aldera gertatu da N-121-A (Iruñea-Behobia) errepideko 58,7 kilometroan, Foruzaingoak jakitera eman duenez.
Istripuan hiru pertsona zauritu dira, eta Irungo Ospitalera eraman dituzte.
Errepidea itxi behar izan dute, erreskate eta garbiketa lanak burutzeko.
Elizondoko eta Iruñeko foruzainak bertaratu dira, baita suhiltzaileak eta anbulantziak ere.