Haurtzaindegi bat itxi dute Angelun, irakasle batek COVID-19an positibo eman ostean

Astelehenetik asteazkenera egongo da, oraingoz, itxita. 36 familiari eragiten dio erabakiak.

ETBk haurtzaindegi batean hartutako artxiboko irudia.

EITB.EUS

publikatuta: 2020/09/12 19:09 (UTC+2)

azken eguneratzea: 2021/05/20 13:10 (UTC+2)

Euskadi Irratiak jakin ahal izan duenez, haurtzaindegi bat itxi dute Angelun, irakasle batek COVID-19an positibo eman ostean.

Ez da jakitera eman zein den haur eskola baina bai erabakiak 36 familiari eragiten diola.

Irailaren 14tik, astelehena, 16ra itxita egongo da oraingoz.

Hain zuzen ere, hainbat neurri murriztaile hartu ditu gaur Pirinio Atlantikoetako prefetak departamentu osorako, koronabirusa indarra hartzen ari dela ikusita: Musukoa janztea derrigorrezkoa izango da Lapurdiko hainbat herritako erdiguneetan, 10era mugatuta geratu dira bilerak eta debekatuta egongo dira 5.000tik gorako ekitaldiak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Hau zure interesekoa bada, baliteke beste gai hauek ere izatea

Iparraldea bideoak Gaixotasunak argazkiak Gizartea bideoak Eguneko albisteak Eguneko albisteak Osasunari buruzko albisteak COVIDaren agerraldiak gaur Lapurdiko berriak Irakasleen albisteak gaur

Haurtzaindegi bat itxi dute Angelun, irakasle batek COVID-19an positibo eman ostean

Esteka kopiatuta