Gizartea -
BIZKAIA
Gizon bat atxilotu dute Bilbon joko-areto bateko langilea labanaz mehatxatzeagatik
Gertakariak atzo izan ziren, 23:00ak aldera, Bilboko Indautxu auzoan.
AGENTZIAK | ERREDAKZIOA
Ertzaintzak gizon bat atxilotu du Bilboko joko-areto bateko langile bati labana batekin heriotza-mehatxuak egiteagatik. Aldez aurretik, langileak lokaletik alde egitera gonbidatu zuen, bezeroak gogaitzen ari zelako.
Atzo, 23:00ak aldera, gizon bat labana batekin mehatxatzen ari zitzaiola Bilboko Indautxu auzoko jolas-areto bateko langileari jakinarazi zioten Ertzaintzari.
Patruilak tokira iritsi zirenean, lokaletik labana bat eskuan hartuta irteten ari zen gizon bat harrapatu zuten. Ondorioz, gelditzeko agindu zioten eta, arma lurrera bota ondoren, identifikatu egin zuten.
Lekukoen bertsioa entzun ondoren, agenteek ustezko erasotzailea atxilotu zuten, 33 urteko gizon bat, arma zuri batekin heriotza-mehatxuak egitea egotzita.