Tuterako alkateak positiboa eman du koronabirusagatik

Tuterako alkateak, Alejandro Toquerok, twitterren adierazi du positiboa eman duela COVID-19a atzemateko egindako PCR proban. Bertan adierazi duenez, "ondo" dago eta etxetik jarraituko du lanean berrogeialdiak irauten duen bitartean.

Azaldu duenez, sintomarik ez izan arren, PCR proba egin du azken aldian "dastamena galtzen" ari zela ikusita. Emaitza positiboa izan da gaixotasuna atzemateko proban.

Sare sozialean adierazi duenez, jada "martxan daude nire azken 48 orduetako gertuko kontaktuak identifikatzeko protokoloak".

Gainera, adierazi du berrogeialdia etxetik lanean egingo duela bere "taldearekin eta udal zinegotziekin kontaktu zuzena" mantenduz.