Trafikoa moztu dute bi noranzkoetan, Mutriku eta Deba artean, luizi baten ondorioz

Harri-jausia izan da arratsaldean Gi-638 errepidean, Mutriku parean, eta ondorioz bidea moztu behar izan dute bi noranzkoetan, Segurtasun Sailak jakitera eman duenez.

Mendi-hegaletik hainbat harri jausi dira, 18:15 aldera, Mutriku eta Deba artean. Hori dela eta, herri-lanetako beharginak ezbeharra gertatu den lekura bertaratu dira, errepidea garbitzeko. Jadanik garbitu dute eta zirkulazioa normaltasunera itzuli da.