Gizartea -
KORONABIRUSA
Torrak helegitea aurkeztu du L'Hospitaleteko neurri baten beto judizialaren aurka
Epaitegiak Generalitateak iragarritako mugikortasun neurriak baimendu ditu, 10 lagunetik gorako bilerak debekatzea izan ezik, "neurriz kanpokoa" dela iritzita.
AGENTZIAK | ERREDAKZIOA
Quim Torra Generalitateko presidenteak Kataluniako Gobernuak L'Hospitalet de Llobregaten (Bartzelona) koronabirus agerraldia geldiarazteko hartutako neurrietako bati jarritako beto judizialaren aurkako helegitea aurkeztea erabaki du.
Bartzelonako 16. Instrukzio Epaitegiak gaur goizaldean baimendu ditu Generalitateak L'Hospitaleteko hainbat auzotan iragarritako mugikortasun neurriak, COVID-19 kasuen gorakadari aurre egiteko, 10 lagunetik gorako bilerak debekatzea izan ezik, "neurriz kanpokoa" dela iritzita.
Torrak azaldu duenez, zerbitzu juridikoekin bildu da, "L'Hospitaleten COVID-19 agerraldia geldiarazteko Kataluniako Gobernuaren ebazpenean aurreikusitako neurriak mugatzeko erabakiaren aurkako helegitea aurkeztea balioztatzeko".
"Helegitea datozen orduetan aurkeztuko da, astelehenean onartutako lege-dekretua baliarazteko. Dekretu horrek baimena ematen dio Kataluniako Gobernuari iragarritako neurriak bultzatzeko, Torrassa, Florida eta Collblanc auzoetako ospakizun eta bileretako edukiera mugatzea barne", gaineratu du.
