Gizartea -
Atzeratuta
Bilboko Gau Zuria urriaren 2an eta 3an ospatuko da
Gau Zuriak Bilboko hiriaren fundazioaren urteurrena ospatzen du eta ekainean egiten da baina, koronabirusaren pandemiak eragindako egoeraren ondorioz, urrira atzeratzea erabaki dute.
eitb.eus
Bilbo hiriaren fundazioaren urteurrena ospatzen duen Gau Zuria urriaren 2ra eta 3ra atzeratzea erabaki du Udalak, koronabirusaren pandiaren ondorioz. Ospakizuna ekainea egin ohi izan da, baia aurtengo egoera bereziak ospakizuna atzeratzera behartu ditu udal agintariak. Ondorioz, urrian ospatuko dute, betiere orduko osasun-baldintzek hartako bidea ematen badute.
Egitarauaren berririk ez dute oraindik eman, horretan lanean ari direlako, baina, aurreratu dutenez, "2020ko Gau Zuriak tokiko kutsu nabarmena izango du, euskal sortzaileen, artisten eta hornitzaileen aldeko apustua egingo baita, Bilbao Aurrera Planean onartutakoaren ildotik".
Erabakia hartzeko, kontuan hartu dira, batetik, COVID-19ak Euskadin eragindako egoera eta, bestetik, ekitaldi jendetsuetan eta aire zabaleko jardueretan osasun publikoa bermatzeko mugak eta espazio publikoko aforoak errespetatzea, Osasun Publikoaren irizpideei eta Eudelen gomendioei jarraituta.
