Pisukide bati labanaz eraso egiteagatik atxilotu dute Gernikan

Ertzaintzak 41 urteko gizonezko bat atxilotu du Gernikan, Bizkaian, pisukide bati mehatxu egin eta, ustez, atzamar batean ebaki bat egiteagatik, harekin eztabaida bat izan ostean.

Gertaera larunbatean, maiatzak 16, izan da, Gernikako etxebizitza batean, bertan bizi ziren hiru gizonezkoak eztabaidan hasi zirenean.

Momentu batean, biktimak eta hirugarren pisukideak Ertzaintzari kontatutakoaren arabera, erasotzaileak hiltzearekin mehatxatu zituen aizto bat eskuan zuela. Ondoren, pisukideetako bat atzamarrean zauritu zuen.

Pisura joan ziren ertzainek gizonezkoetako batek atzamar batean ebaki bat zuela ikusi zuten eta osasun zerbitzuei abisua eman zieten.

Ondoren, ustezko erasotzailea identifikatu eta atxilotu zuten, arma zuriarekin lesioak egitea leporatuta.

Atxilotua polizia-etxera eraman zuten izapidea guztiak egiteko epailearen aurretik pasa aurretik.