Gizartea -
Koronabirusa
Ernesto Gasco: "Umeak ordubete atera ahal izango dira, etxetik kilometro batera"
"Eten digitala eta soziala Europako txarrenetakoa izatea saihestu behar da", adierazi du Espainiako Gobernuko haur pobreziaren aurkako goi mandatariak.
Radio Euskadi | Erredakzioa
"800.000 haur inguru 50 metro karratu baino gutxiagoko pisuetan bizi dira, hainbat heldurekin, eta bost astez bizigarritasun-baldintza horietan eman ondoren paseatzera ateratzeko aukera ematea erabaki zen", adierazi du Ernesto Gasco Espainiako Gobernuko haur pobreziaren aurkako goi mandatariak Radio Euskadiko 'Boulevard' albistegian.
Igandetik aurrera haurrak "ordubete inguru atera ahal izango dira kalera, gehienez etxetik kilometro batera eta gurasoek lagunduta betiere", esan du. Ildo horretatik, konfinamendua "osasuntsuagoa" izango dela ziurtatu, "bai fisikoki, bai psikikoki ere".
Landa-eremuetan, gainerako tokietan ezarri diren baldintza "berdinak" egongo dira indarrean.
Eten digitalari dagokionez, "1.200.000 haurrek arazoak dituzte ordenagailuak eta interneterako konexio onak izateko, eta, ondorioz, eskolak jarraitzeko. Krisi honen ondoren konpondu beharreko gaietako bat izan behar da".
Gascoren esanetan, "Nazio Batuek ohartarazi zuten moduan, Espainiako eten digitala eta soziala Europako txarrenetakoa izatea saihestu egin behar da".
Jatorrizko informazioa Radio Euskadik landu eta eitb.eus-ek itzuli du:
11:32
