Gizartea -

Bilbo

Gizon bat atxilotu dute denda batean eskularruak ez jartzeagatik eta mehatxuengatik

43 urteko gizonezkoa supermerkatuko langileei aurre egiten hasi zen eskularruak beharrezkoak zirela esan ziotenean, baina zerbitzuz kanpo zegoen ertzain batek atxikitzea lortu zuen.

agentziak | erredakzioa

Whatsapp Facebook Twitter Telegram Email

Ertzaintzak 43 ureko gizonezko bat atxilotu zuen atzo Bilbon, eskularruak jartzeari uko egin eta supermerkatuko langileak iraintzea eta mehatxatzea leporatuta. Gainera, zerbitzuz kanpo zegoen eta gatazkan sartu zen ertzain bati eraso egin zion, Segurtasun Sailak jakitera eman duenez.

Zerbitzuz kanpo zegoen ertzain bat Begoñako supermerkatu batean sartu zen atzo goizean, eta gizon bat ikusi zuen langileak iraintzen eta mehatxu egiten, horiek eskularruak jartzeko esan ziotelako.

Ez zituenez jantzi nahi, eta langileekin eta bezeroekin geroz eta oldarkorrago jartzen ari zenez, ertzaina tartean sartu zen, eta gizonak mehatxuka erantzun zion. Gainera, agentea jotzen saiatu zen, baina horrek atxikitzea lortu eta ertzainen esku utzi zuen.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.
Hau zure interesekoa bada, baliteke beste gai hauek ere izatea
Bilbo Ertzaintza Gaixotasunak Gizartea Eguneko albisteak Albisteak Osasun albisteak Koronabirusa