Osakidetzak EAE osora zabalduko du covid-19aren kolpe emozionala lausotzeko programa

Araba eta Galdakaotik, Araba, Bizkai eta Gipuzkoara eramango dute eriei, familiei eta osasun langileei laguntza psikologikoa emateko plana.

Osakidetzako zentro bat — Eriei, senideei eta osasun langileei laguntzeko plana da. Argazkia: Efe.

Agentziak | Erredakzioa

publikatuta: 2020/04/03 15:51 (UTC+2)

azken eguneratzea: 2020/04/03 16:33 (UTC+2)

Araban eta Galdakaon (Bizkaia) indarrean zuen laguntza psikologikorako programa bere sare osora zabaldu du Osakidetzak, koronabirusak birusarekin kutsatutakoengan, horien senideengan eta horrekin borrokan bertatik bertara ari diren osasun langileengan duen “talka” emozionala lausotzen saiatzeko.

Miguel Sanchez Eusko Jaurlaritzako Plangintza, Antolamendu eta Ebaluazio Sanitarioko zuzendariak eman du ekimen horren berri, pandemiak Euskadin izan duen eboluzioari buruzko azalpenak emateko egunero egiten duen prentsaurreko telematikoan.

Sanchezen esanetan, Euskal Osasun Zerbitzuak Euskal Autonomia Erkidego osora zabalduko du orain arte Araban eta Galdakaon, birusak gogorren jotako eremuetan, indarrean zuen programa.

Programaren helburua covid-19arekin kutsatutakoek, horien senideek eta birusaren aurka borrokan ari direnek jasaten duten min emozionala minimizatzea da.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Osakidetza Gizartea Eguneko albisteak Albisteak Koronabirusa olatu berria

Osakidetzak EAE osora zabalduko du covid-19aren kolpe emozionala lausotzeko programa

Esteka kopiatuta