Gizartea -
CORONAVIRUS
COVID-19an 168 positibo izan dira Arabako zahar egoitzetan
168 kasuetatik, 109 zentro pribatuetako erabiltzaileak dira eta gainontzeko 59ak Arabako Foru Aldundiarenak edo udalenak. 23 adindu ospitaleratuta daude.
AGENCIAS | REDACCIÓN
Arabako adinekoen 101 egoitzetako 168 erabiltzailek eman dute positibo COVID-19an, baina azken 24 orduetan ez da heriotzarik izan. Beraz, 29 izaten jarraitzen dute zentro horietan hildakoek.
168 kutsatu horietatik 23, osasun-egoera ahulena dutenak, ospitaleratu egin dituzte eta beste 145ak zentroetan bertan zaintzen ari dira.
168 kasu positiboetatik, 109 Araban dauden 86 zentro pribatuetako erabiltzaileak dira, eta gainerako 59 positiboak Arabako foru eta udal zentro publikoetan bizi dira, Aldundiak ohar baten bidez jakinarazi duenez.
Ezinduentzako egoitza-zentroetan, 13 kasu positibo daude, horietatik 9 ospitaleratuta.
