Bi gizon atxilotu dituzte Gasteizen, bikotekideei erasotzeagatik

Gasteizko Udaltzaingoak 28 eta 44 urteko bi gizon atxilotu ditu azken egunotan, euren bikotekideei eraso egitea eta lesioak eragitea egotzita.

Udaltzaingoak jakinarazi duenez, atxiloketetako bat larunbatean, hilak 21, egin zuten, Arabako hiriburuko Lakua auzoan.

Donostia kaleko bizilagun batzuek udaltzainei dei egin zieten, etxebizitza batean bikote batek eztabaida gogor baten erdian zegoelako.

Etxebizitzara bertaratu zirenean, senarrak zein emazteak borroka bat izan zutela eta elkarri eraso ziotela aitortu zuten.

Poliziek egiaztatu zutenez, emakumeak lesioak zituen, eta osasun-laguntza eskatu zuten. Era berean, ustezko erasotzailea atxilotu, eta epailearen esku utzi zuten atzo.

Gainera, ostegunean, hilak 19, 44 urteko beste gizon bat atxilotu zuten Arana auzoan, bere emazteari erasotzeagatik. Andaluzia kaleko etxebizitza batean izan zen eztabaida.

Emakumeak lesioak zituen, eta gizona atxilotu eta epailearen esku utzi zuten.

_________________________________