Gizartea -
Koronabirusa
Pediatria larrialdi zerbitzua Basurtutik Gurutzetara lekualdatu dute aldi baterako
Eguerdian egin dute lekualdaketa. Horrela, Basurtu Ospitaleko San Pelaio pabiloia hustu dute, balizko koronabirus kasuak bertan artatu ahal izateko.
Agentzia | Erredakzioa
Pediatria larrialdi zerbitzua Gurutzeta Ospitalera aldi baterako lekualdatzea erabaki du Osakidetzak.
Eguerdian egin dute lekualdaketa. Horrela, Basurtu Ospitaleko San Pelaio pabiloia hustu dute, balizko koronabirus kasuak bertan artatu ahal izateko.
Hala ere, Etengabeko Arretako Guneetan eta Osasun Zentroetan artatzen jarraituko dutela gogorarazi du Osakidetzak ohar batean, eta lekualdaketak jaioberriei eragingo ez diela erantsi du.
Neurriarekin lekua egin nahi dute, baita pediatria pazienteen segurtasuna bermatu ere.
"Salbuespeneko neurriak dira, baina ezohiko egoera baten aurrean gaude. Biztanleriak erabakia ulertzea espero dugu. Osakidetzako langileen lankidetza, esfortzua eta ardura eskertzekoa da", azpimarratu du.
