Gizartea -
Koronabirusa
Paziente onkologikoen kontsultak eta Sintrom kontrolak bermatuko ditu Osakidetzak
Haurdun daudenen jarraipena ere bermatuta dago. Atzera daitezkeen aurrez aurreko kontsultak eta ebakuntza kirurgikoak bertan behera utzi dituzte, ordea, osasunarentzako arriskurik ez baldin badago.
Agentziak | Erredakzioa
Osakidetzak indarrean jarraitzen duten kontsulta medikoak zehaztu ditu. Ildo horretatik, paziente onkologikoen kontsultak zein haurdun daudenen jarraipena bermatuta dago, baita Sintrom kontrolak (enboliak prebenitzeko) eta injekzioak ere.
Atzera daitezkeen aurrez aurreko kontsultak eta ebakuntza kirurgiko guztiak, ordea, bertan behera utzi zituen Osakidetzak astelehenean, betiere, osasunarentzat arriskurik ez dagoen kasuetan, koronabirusaren agerraldiari aurre egin nahian. Testuinguru horretan, onkologiarekin edo bihotzeko arazoekin lotutako kontsultetan ez dela aldaketarik izango gaineratu zuen.
Osakidetzak zehaztu duenez, atzera litezkeen aurrez aurreko kontsultak utzi dituzte bertan behera. Ildo horretatik, ordea, paziente onkologikoen kontsultak edo haurdun daudenen jarraipena egiten jarraituko dutela esan du.
Sintrom kontrolak edo injekzioak ere, adibidez, orain arteko leku eta ordutegi berberetan egiten jarraituko dute, kontsulta horiek atzeraezinak baitira, Osakidetzak azaldu duenez.
