Poliziek 73 salaketa jarri dituzte EAEn isolamendu neurriak ez betetzeagatik

Ertzaintzak 40 salaketa jarri ditu, eta udaltzaingoek 33.

Bilboko udaltzainak eta ertzainak — Ertzaintzak 40 salaketa jarri ditu, eta udaltzaingoek 33

Agentziak | Erredakzioa

publikatuta: 2020/03/17 20:28 (UTC+1)

azken eguneratzea: 2020/09/17 15:01 (UTC+2)

Ertzaintzak eta Arabako, Bizkaiko eta Gipuzkoako udaltzaingoek 73 salaketa jarri dituzte Espainiako Gobernuak koronabirusa ez hedatze aldera ezarritako larrialdi egoeran isolamendu neurriak ez betetzeagatik.

Ertzaintzak 225 pertsona identifikatu ditu, 107 ibilgailu miatu eta, horren ondorioz, 40 salaketa jarri ditu isolamendu neurriak ez betetzeagatik,

Bestalde, Euskal Autonomia Erkidegoko udaltzaingoek 88 pertsona identifikatu, 14 ibilgailu aztertu eta 33 salaketa jarri dituzte.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Ertzaintza EAE albisteak Gaixotasunak argazkiak Salaketak albisteak Gizartea Eguneko albisteak Albisteak Medikuntza albisteak COVID kasuak Isunak Alarma-egoeraren amaiera

Poliziek 73 salaketa jarri dituzte EAEn isolamendu neurriak ez betetzeagatik

Esteka kopiatuta