Gizartea -
Delituak
Gizon bat labankadaz hil zuen ustezko erasotzailea espetxeratu dute Donostian
Guardiako epaitegiko titularrak Martuteneko espetxean sartzeko agindua eman zuen atzo, 20:15ean.
Agentziak | Erredakzioa
Joan den larunbatean Donostiako Gros auzoan gizon bat labankadaz hiltzeagatik atxilotu zuten 31 urteko gizona Martuteneko espetxean sartu dute astelehen honetan, Eusko Jaurlaritzako Segurtasun Sailaren arabera.
Larunbatetik ustezko egilea Donostiako ertzain-etxean zegoen atxilotua, eta 18:00etan guardiako epaitegira eraman dute. Guardiako epaitegiaren titularrak Martuteneko espetxean sartzeko agindua eman du 20:15ean.
Pasaden larunbatean, 06:00ak aldera, Donostiako Katalunia plazako parke batean, erasotzaileak hainbat labankada eman zizkion biktimari, eta bertan hil zen.
Ustezko erasotzailea Txaparrene kalean aurkitu zuten ertzainek, 06:30ak aldera, eta atxilotu egin zuten.
