Intoxikatu bat eta hainbat lagun etxetik kanpo Orion, gas-leherketa baten ondorioz

Pertsona bat kea arnastuta intoxikatu da eta hainbat lagun etxetik atera dituzte asteazken goizean Orion (Gipuzkoa), etxebizitza batean izandako gas-leherketa baten ostean, Eusko Jaurlaritzako Segurtasun Sailak eitb.eus-i jakinarazi dionez. Zauritua ospitalera eraman dute.

Gertaera 06:10 aldera jazo da, Eusko Gudari kaleko etxebizitza batean, ikertzen ari diren arrazoiak direla eta.

Gas-leherketa bigarren solairuan izan da, eta kaltetutako etxebizitzaren leiho bat eraikinaren barruko patiora erori da.

Ondorioz, sutea piztu da sukaldean, eta Gipuzkoako Suhiltzaileak bertaratu dira, garrak itzaltzeko.