Gizartea -
Zaldibarko luizia
Eibarko Udalak bilera bat deitu du asteazkenean herritarrak informatzeko
Bilera irekia Coliseo Antzokian egingo dute, 19:00etan. Zaldibarreko zabortegiko lur-jausiak izan dituen ondorioak aztertuko dituzte.
AGENTZIAK | ERREDAKZIOA
Zaldibarreko zabortegiko luiziak herritarren artean sortu duen kezka eta ezinegona dela eta, Eibarko Udalak herritarrak informatzeko bilera bat deitu asteazken honetan, Coliseo Antzokian, 19:00etan. Miguel de los Toyos alkatea bertan izango da.
Udalak ohar batean azaldu duenez, Eusko Jaurlaritzako Ingurumen Saileko eta URA euskal agentziako teknikari bana izango dira batzarrean, airearen eta uraren kalitateari buruzko informazioa emateko, hurrenez hurren. Halaber, Osasun Publikoko teknikari batek ere hartuko du parte bileran.
Udalak batzarrera joateko deia luzatu die herritarrei eta zalantza guztiak argitzen saiatuko direla agindu du.
