Gizartea -
Inauteriak
Kaldereroak, inudeak eta artzainak asteburu honetan iritsiko dira Donostiara
Groseko kaldereroen konpartsak udaran hil zen Kepa Madariaga presidentea omenduko du larunbatean.
AGENTZAK | ERREDAKZIOA
Kaldereroak, inudeak eta artzainak asteburu honetan iritsiko dira Donostiara, Hungariako Kaldereroen Lehen Konpartsaren eskutik. Aurten, Groseko konpartsak udaran hil zen Kepa Madariaga presidentea omenduko du.
Konpartsaren ibilbidea larunbateko 21:45ean hasiko da Alde Zaharreko kaleetatik, eta 400 lagunek hartuko dute parte 19 tributan banatuta.
Konpartsa tradizionalaren desfileaz gain, hiriburu gipuzkoarreko beste hainbat auzotara ere iritsiko dira kaldereroak, Gros, Zentroa, Egia, Amara Berri, Amara, Herrera, Antiguo eta Loiola auzoetara, kasu, elkarte eta eskolei esker.
Groseko kaldereroen konpartsak Kepa Madariaga presidentea omenduko du larunbatean bertan, 19:15ean, Txofre plazan.
Igandean, berriz, Kresala elkarteko inudeen eta artzainen txanda izango da. Alde Zaharreko kaleetan barna ibiliko dira 12:00etatik aurrera.