Gizartea -
Gertakaria
12 urteko adingabe bat Ertzaintzaren instalazioetan sartu da, Arkautin
Instalazio barruan minutu batzuk eman zituen umeak, ondoren irten eta telefonoz aitari deitu zion. Aita autoan bila joan zitzaion. Adingabea eta haren aita identifikatu dituzte dagoeneko.
eitb.eus
Adingabe bat Ertzaintzaren instalazioetan sartu da Arkautin (Araba), El Correo-k aurreratu duenez. Gertakaria iragan ostiralean, arratsaldean, jazo zen. 12 urteko adingabea esparrua inguratzen duten hesiak zeharkatuz sartu zen.
Instalazio barruan minutu batzuk eman zituen umeak, ondoren irten eta telefonoz aitari deitu zion. Aita autoan bila joan zitzaion, Ertzaintzak ETBri jakitera eman dionez.
Adingabea eta haren aita identifikatu dituzte dagoeneko, baina oraingoz ez duten euren aurkako neurririk hartu.
Segurtasun Sailak ikerketa abiatu zuen ostiralean bertan, gertatutakoa argitzeko. Euskadin, Poliziaren zentro guztien inguruak zaintzeko ardura segurtasun pribatuak duela gogorarazi du Sailak.