Gizartea -
trafiko istripua
Hiru lagun zauritu dira N-240 errepidean, Arratzua-Ubarrundia parean, auto-istripuan
08:10 aldera jazo da istripua. Ordu horretan, kamioi batek kartoizko kaxa batzuk galdu ditu, eta, ondorioz, lau ibilgailuk talka egin dute.
Agentziak | Erredakzioa
Kamioi batek zama galdu du gaur goizean N-240 errepidean, Arratzua-Ubarrundia parean (Araba), eta hiru lagun zauritu dira, Eusko Jaurlaritzako Segurtasun Sailak jakinarazi duenez.
08:10 aldera jazo da istripua. Ordu horretan, kamioi batek kartoizko kaxa batzuk galdu ditu, eta, ondorioz, lau ibilgailuk talka egin dute. Auto-istripuan, hiru pertsona zauritu dira.
Zaurituak artatzeko errepidea itxi behar izan dute, eta auto-ilara luzeak sortu dira inguruetan. Alabaina, 10:00ak aldera zirkulazioa bere onera itzuli da.