Gizon batek sexu-erasoa egin dio emakume bati Bilbon

Erasoa astelehen goizaldean gertatu zen, Boluetan. Ertzaintzak ustezko erasotzailea atxilotu du.

Agentziak | Erredakzioa

azken eguneratzea: 2019/10/01 09:11 (UTC+2)

Gizon batek sexu-erasoa egin dio emakume bati Bilbon, Boluetan, Ertzaintzak prentsa-ohar bidez jakitera eman duenez. Erasoa astelehen goizaldean gertatu da, eta ustezko erasotzailea atxilotu eta epailearen esku jarri dute.

Astelehenean, goizaldeko bostak jo aurretik, emakume gazte bat Ertzaintzaren patruila bati zuzendu zitzaion, Boluetan, eta sexu-erasoa pairatu berri zuela esan zien. Biktimak agenteei esan zienez, ezagutzen zuen ustezko egilea, eta inguruko diskoteka batean zegoen. Susmagarria, 29 urtekoa, biktimak aipatutako diskoteka horren barruan zegoen, eta atxilotu egin zuten.

Emakumea ospitalera eraman zuten agenteek, artatzera.

Atxilotua, berriz, epailearen esku utzi dute.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea

Tratu txarrak Bilbo Indarkeria matxista Bizkaiko albisteak Gizartea Eguneko albisteak Albisteak Tratu txarrak jasan dituzten emakumeentzako telefonoa Matxismoa gaur Sexu erasoak gaur

Informazio gehiago

Tratu txarrak pairatzen dituzten emakumeentzako gida

Gizon batek sexu-erasoa egin dio emakume bati Bilbon

Esteka kopiatuta

Informazio gehiago