Gizartea -
Istripua Nafarroan
Bikote bat eta umetxo bat zauritu dira Zarrakaztelun furgoneta aldapan behera erorita
Gidariak positibo eman du alkoholemia proban. Furgoneta errepidetik atera da atzerantz egitean.
Agentziak | Erredakzioa
Bikote bat eta lau hilabeteko haurtxo bat zauritu dira euren furgoneta aldapan behera erorita. Foruzaingoak jakitera eman duenez, 3 metroko aldapan behera erori dira. Gidariak positibo eman du alkoholemia proban.
05:45ean gertatu da istripua, Sasorako bidean, Zarrakazteluko saihesbidetik gertu. Furgoneta errepidetik irten da atzerantz egitean.
Gidariak positibo eman du hasierako alkoholemia proban. 2,5 ordu geroago, 0,41 mg/l eman du.
Istripuaren berri izandakoan, Tafallako foruzainen hainbat patruila eta Tuterako atestatuen patruila bat bertaratu dira.
Hau zure interesekoa bada, baliteke beste gai hauek ere izatea