Gizartea -
Sexu erasoa
Aske utzi dute Bilboko talde bortxaketagatik espetxean zegoen bi akusatuetako bat
Gizona jantzita zuen arropagatik identifikatu zuen biktimak. Egunero epaitegira joan beharko da.
Agentziak | Erredakzioa
Bilboko 4. Instrukzio Epaitegiko epaileak aske utzi du, kautelazko neurriekin, Bilboko Etxebarria parkean izandako talde bortxaketarekin lotuta espetxean zeuden bi akusatuetako bat, epaitegietako iturrien arabera.
Aske geratu den gaztea biktimak Ertzaintzaren aurrean jantzita zeukan arropari esker identifikatu zuena da. Atxiloketaren momentuan, gainera, emakumeak erasotik babestean egin omen zizkion urradurak zituen bizkarrean.
Beste ikertuetako lauri jarritako kautelazko neurri berak jarri dizkio epaileak; hau da, egunero epaitegira joateko betebeharra.
Horrela, ikerketapean dauden seien artean bakarrak jarraitzen du espetxean. Hori da Ertzaintzaren aurrean biktima argi eta garbi identifikatu zuena, lepoan daraman hontz baten tatuaje bati esker.
_________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
