1.500 piratak festaz eta kolorez bete dute Kontxako Badia 200 baltsatan

Abordatzea, Donostiako Aste Nagusiaren ekitaldirik garrantzitsuenetakoa, astelehen arratsaldean egin dute, giro bikainean.

1.500 pirata izan dira 2019ko Abordatzean. EiTBren bideo batetik hartutako argazkia. — Donostiako Piraten Abordatzearen unerik onenak bildu ditugu

Agentziak | Erredakzioa

azken eguneratzea: 2019/08/12 22:43 (UTC+2)

200 baltsa baino gehiago erabiliz iritsi diren 1.500 "piratak" Kontxako badia hartu dute Donostian astelehen arratsaldean; izan ere, Donostiako Piratak kolektiboak, urtero bezala, Abordatzea antolatu du, Gipuzkoako hiriburuko Aste Nagusiaren jaietan.

Ekitaldia, jaietako garrantzitsuenetakoa, 17:00etan hasi da, Donostiako kaian. Parte-hartzaileak 08:00etan hasi dira aurtengo edizioko abordatzean parte hartu duten 203 baltsak egiten, eta paletak, banbua, flotagailuak, plastikoak eta beste hainbat gai erabili dituzte horretarako. Ontzietan, piraten ikurrak eraman dituzte askok.

Abordatzea giro bikainarekin eta istilurik gabe egin dute, Gipuzkoako DYAko, Suhiltzaileetako, Gurutze Gorriko eta Donostiako Babes Zibileko langileen babespean.

Hau zure interesekoa bada, baliteke beste gai hauek ere izatea

Donostiako Aste Nagusia Donostiako informazioa Euskal hiriburuak Gipuzkoa Gizartea Eguneko albisteak Albisteak

1.500 piratak festaz eta kolorez bete dute Kontxako Badia 200 baltsatan

Esteka kopiatuta