Emakume bat bortxatzen saiatu da gizon bat Gasteizen

Andre Mari Zuriaren jaiak hasi aurretik, eraso-saiakera izan da Gasteizen. Hain zuzen ere, gasolina-zerbitzugune batetik hurbil gertatu zen erasoa igande gauerdian, Ertzaintzak eitb.eus-i jakinarazi dionez.

Emakumeak erasotzaileari aurre egin zion, eta azken horrek alde egin zuen.

Horren aurrean, salaketa jarri du biktimak, eta Ertzaintzak, ondorioz, ikerketa abiatu du, erasotzailea atxilotzeko asmoz.

_________________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.