Bigarren mailako hainbat errepide itxi dituzte Tafalla inguruan, uholdeen ondorioz

Azken orduetan Tafalla inguruan izandako euriteek eta uholdeek hainbat eragozpen sortu dituzte errepideetan, Foruzaingoak jakinarazi duenez.

Bigarren mailako errepideei dagokienez, itxita daude NA-1240, NA-5330, NA-5331 eta NA-5381 errepideak Santakaran, Pitillasen eta Murillo el Cuenden, eta NA-5300 eta NA-5301 errepideak Erriberrin eta Beiren.

Halaber, N-121 errepidea itxi behar izan dute 30. kilometroan eta bien bitartean AP-15 autobidetik ari dira bideratzen autoak.

Horrez gain, goizaldean zirkulazioa berrezarri dute AP-15 autobidearen eta Tafalla artean. Aitzitik, AP-15 autobidetik Puiurako sarbidea ere erabat itxi dute.