Goiz korapilatsua N-1ean, Villabonan eta Tolosan izandako bi istripurengatik

Bi istripuak Donostiarako noranzkoan gertatu dira. Gutxienez, bi pertsona arin zauritu dira. 11:00ak aldera zirkulazioa normaltasunera itzuli da.

EITB.EUS

azken eguneratzea: 2019/06/05 11:47 (UTC+2)

Hainbat ibilgailuren arteko bi istripu gertatu dira gaur goizean N-1 errepidean, Villabonan eta Tolosan, eta 14 kilometrorainoko auto ilarak sortu dira Donostiara bidean, Eusko Jaurlaritzako Segurtasun Sailak jakinarazi duenez.

Lehen istripua Villabonan gertatu da. Hiru autok elkar jo dute Donostiarako noranzkoan, eta ezkerreko erreia oztopatu dute; ondorioz, ilara luzeak sortu dira. Ezbehar horretan, bi pertsona arin zauritu dira.

Geroago, Tolosan beste bi autok eta kamioi batek talka egin dute Donostiarako noranzkoan.

Auto ilarak (14 kilometro) Villabonan hasi eta Ikaztegietaraino iritsi dira.

Istripua izan duten ibilgailuak erretiratu eta errepidea garbitu ostean, 11:00ak aldera zirkulazioa normaltasunera itzuli da.

Hau zure interesekoa bada, baliteke beste gai hauek ere izatea

Trafiko Istripuak Trafikoa Gipuzkoa Tolosa albisteak Gizartea Gipuzkoako trafiko telefonoa Trafiko webkamerak Albisteak Gaur Villabona bideoak Eguneko albisteak Madril-Irun errepidea

Goiz korapilatsua N-1ean, Villabonan eta Tolosan izandako bi istripurengatik

Esteka kopiatuta