Hipotermia zantzuekin aurkitu dute Urbasan galduta zegoen 75 urteko abeltzaina

Nafarroako Ospitalera eraman dute helikopteroz. Atzo arratsaldean atera zen etxetik, ganadua zaintzera, eta, lehen informazioen arabera, galdu egin zen.

AGENTZIAK | ERREDAKZIOA

publikatuta: 2019/05/04 11:10 (UTC+2)

azken eguneratzea: 2020/08/13 09:06 (UTC+2)

Hipotermia zantzuekin aurkitu dute Urbasan galduta zegoen 75 urteko abeltzaina, eta Nafarroako Ospitalera eraman dute helikopteroz.

Ameskoabarrenako bizilaguna atzo atera zen bere etxetik, Urbasako larreetan zituen abereak zaintzera. Iluntzean itzultzen ez zela ikusita, etxekoek larrialdi zerbitzuetara deitu zuten.

22:00ak inguruan jarri zuten abian bilaketa talde bat Nafarroako Suhiltzaileek, Foruzaingoak eta Guardia Zibilak. Abeltzainaren ibilgailua aurkitu zuten, baina ez zegoen inor barruan. Gaur goizean senideak eta bizilagunak batu dira bilaketa lanetara.

Hau zure interesekoa bada, baliteke beste gai hauek ere izatea

Lan-istripuak Nafarroa Euskal mendiak bideoak Gizartea Eguneko albisteak Albisteak Nafarroako Gobernua Abeltzaintza albisteak

Hipotermia zantzuekin aurkitu dute Urbasan galduta zegoen 75 urteko abeltzaina

Esteka kopiatuta