Gizartea -
Nafarroa
Taxilari bat salatu dute Tuteran drogen eraginpean gidatu eta labana bat izateagatik
26 urteko gizonezkoak positibo eman zuen kokaina eta kalamu proban, eta labana automatiko bat zeraman autoko giltzan ezkutatuta.
Agentziak | Erredakzioa
Foruzaingoko agenteek 26 urteko taxilari bat salatu dute Tuteran drogen eraginpean gidatzeagatik eta armak baimen barik eramateagatik, polizia autonomikoak ohar batean adierazi duenez.
Gidariak positibo eman zuen kokaina eta kalamu proban. Ondorioz, autoa geldiarazi eta 1.000 euroko isuna jarri zioten, eta gidabaimeneko sei puntu kendu zizkioten.
Horrez gain, labana automatiko bat atzeman zioten autoko giltza batzuetan ezkutatuta. Hala, armak baimen barik edukitzeagatik salaketa jarri zioten.