Poltsetan sartutako izurde zatiak berreskuratu dituzte Bermeoko portuan

Ertzaintzaren Ingurumen Atalak Bermeoko portutik gertu berreskuratu ditu legez kanpo harrapatutako zetazeo zatiak, antza izurdeenak.

Nekazaritza, Arrantza eta Elikadura Ministerioak laguntza eskatu zion Ertzaintzari poltsak berreskuratzeko. Bermeotik gertu ainguratutako ontzi batek bota dituela uste dute.

Ertzaintzaren urpekaritza taldeak poltsak berreskuratu ditu eta Ertzaintzaren egoitza zentralera eraman dituzte.

Orain, Polizia Zientifikoak okela aztertuko du izurdeena dela egiaztatzeko. Bestalde, Ertzaintzak ikerketa abiatu du nondik norakoak argitzeko.