Gizartea -
Emakumeen aurkako indarkeria
Bikotekide ohiari kalean eraso egiteagatik atxilotu dute, Bilbon
Erasoa astelehenean, 04:00ak aldera, gertatu zen Zazpikaleetan. Bilboko Udalak erasoa gaitzetsi du adierazpen batean.
Agentziak | Erredakzioa
Udaltzaingoak gizon bat atxilotu zuen astelehen goizaldean, Bilbon, bikotekide ohiari kalean eraso egiteagatik, Udaleko iturriek jakitera eman dutenez.
Erasoa 04:00ak aldera gertatu zen Zazpikaleetan. Udaltzainek gizona eta emakumea eztabaidatzen ikusi zituzten.
Udaltzainak bikotearengana hurbildu ziren, eta gizonak emakumeari eraso egin ziola egiaztatu zuten. Horregatik, erasotzailea atxilotu zuten.
Bilboko Udalak erasoa gaitzetsi du talde politiko guztien adierazpen batean.
________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
