Abisu horia ezarri dute gaurko, tenperatura baxuengatik eta izotzagatik

Eusko Jaurlaritzaren Larrialdiei Aurre Egiteko eta Meteorologiako Zuzendaritzak abisu horia ezarri du 00:00etatik 10:00etara Araban, Bizkaian eta Gipuzkoan, muturreko tenperatura baxuak eta izotza espero direlako.

Gaur, asteartea, tenperatura minimoak jaitsi egingo dira (-1 ºC espero dituzte Gasteizen), goizean lanbroa eta lainoa agertuko dira eta baliteke barnealdean, batik bat Araban, izotza agertzea. Zerua garbi samar agertuko da, haizeak indarra hartuko du gauean, eta bolada gogorrak izango ditu ekialdean. Tenperatura maximoak nahiko igoko dira (16 ºC espero dituzte Donostian eta 14 ºC Gasteizen).

Ostegun eta ostiralean ere, lanbroa eta lainoa agertuko dira, aurreikuspenen arabera, zerua hodei gutxirekin agertuko da eta tenperaturak ez dira gehiegi aldatuko.