Gizartea -
ARMAK
Autoan errebolber bat zeraman donostiar bat atzeman dute Donezteben
Foruzaingoak errepideko kontrol batean gelditu du 59 urteko gizona, ibilgailuari IAT azterketa pasatzera zihoala. Armaz gain, bi kartutxo kaxa zeramatzan berarekin.
AGENTZIAK | ERREDAKZIOA
Nafarroan, Foruzaingoak Donostiako 59 urteko gizon baten aurkako salaketa jarri du, autoan 357 kalibreko errebolber bat eta bi kartutxo kaxa eramateagatik.
Atzo gertatu zen guztia. Gizona autoari IAT azterketa pasatzera zihoala, errepidean kontrola egiten ari ziren foruzainek geldiarazi, eta barruan zeramana atzeman zioten.
Gizonak arma-baimena du, baina bere etxetik tiro-eremura eramateko bakarrik. Gainera, araudiaren arabera, ezin du arma kargatuta izan, eta atzeman ziotenean sei bala zituen barruan.
Informazio gehiago, laster