Langileek Maravillas gaztetxea hustu dute, atea itxi aurretik

Langile talde bat goizean zehar lanean aritu da Iruñeko Rozalejoko Markesaren jauregitik materialak ateratzen, atea hormigoiz itxi aurretik. Azken urtean eraikina gaztetxe gisa okupatua egon da.

Langileek eraikinetik ohol eta material elektriko ugari atera eta edukiontzietan sartu dute.

Polizia Nazionalak eta Foruzaingoak Navarreria enparantza eta inguruak zaintzen jarraitzen duten arren, gaur oinezkoei pasatzen utzi diete.

Auzotarren plataformak eta Casco Viejo AZ Proyecto-Ekimena taldeak idazki bat entregatu dute Gobernu Ordezkaritza, "segurtasun indarrak auzotik alde egitea eta normaltasuna berreskuratzea" eskatzeko.

AZ taldeak gune autogestionatu baten alde agertu da idazki horretan, eta auzoan gaztetxe bat egotea babestu du.