Gizartea -
EZBEHARRA
Hiru familia etxetik atera dituzte bart Laudion, sute baten ondorioz
Zorionez, ez da inor zauritu eta berriz ere itzuli ahal izan dira hiru orduren buruan. Teilatua kaltetuta geratu da.
AGENTZIAK | ERREDAKZIOA
Ertzaintzak hiru familia atera behar izan ditu gaur gauean euren etxetik Laudion, sute baten ondorioz.
Segurtasun Sailetik jakitera eman dutenez, 00:50 aldera piztu da sua, El Manzanal kaleko lau bizitzako etxe batean. Antza denez, tximinia batean sortu da sutea.
Suaren ondorioz hiru familia etxetik atera dituzte eta ordu eta erdi egin dute kanpoan.
Suhiltzaileek sua itzali ostean, etxera itzuli ahal izan dira eta ez da zauriturik egon, baina suteak kaltetuta utzi du teilatua.