Arangurenen desagertutako adingabe bat bilatzen ari dira

15 urteko neska bat desagertuta dagoela ohartarazi du SOS Desagertuak elkarteak, Zoliako kontzejuan, Arangurengo udalerrian (Nafarroa).

Agintariek publiko egindako datuen arabera, adingabeak Olaia Moreno Area du izena, 15 urte ditu, 1,54 metro altu da, gaztaina-koloreko ile eta begiak ditu eta argala da. Gainera, aurpegian orbain bat eta mingainean piercingak dituela ohartarazi dute.

Adingabea aurkitzeko herritarren premiazko laguntza eskatu du elkarteak. Noticias de Navarra egunkariaren arabera, Olaia Morenok adingabeen zentro batetik ihes egin zuen.