Hiru pertsona artatu dituzte Aian, sute batean kea arnasteagatik

Aroztegi batean piztu da sua eta goiko solairuko etxebizitza hustu behar izan dute. Suhiltzaileek sua itzali dute.

Sutea aroztegi batean piztu da. Argazkia: Gipuzkoako suhiltzaileak

AGENTZIAK | ERREDAKZIOA

azken eguneratzea: 2018/10/05 10:44 (UTC+2)

Hiru lagun artatu behar izan dituzte Aian, goizaldean aroztegi batean piztu den sutean kea arnasteagatik, Eusko Jaurlaritzako Segurtasun Sailak jakinarazi duenez. Halaber, aroztegiaren gaineko etxebizitza jendez hustu behar izan dute.

Sutea 02:10 aldera piztu da aroztegiko sotoan, biltegi gisa erabiltzen den tokian. Gipuzkoako suhiltzaileen esanetan, garrek sotoa eta beheko solairua kaltetu dituzte, batez ere.

Suhiltzaileek 06:30 aldera itzali dute sua.

Osasun langileek hiru pertsona artatu dituzte tokian bertan.

Hau zure interesekoa bada, baliteke beste gai hauek ere izatea

Albisteak Gipuzkoa Suteak albisteak Gizartea albisteak Eguneko albisteak Eguneko albisteak Suhiltzaileak

Hiru pertsona artatu dituzte Aian, sute batean kea arnasteagatik

Esteka kopiatuta