Gizon bat hil da Gabirian, orga jasotzaile bat irauli eta azpian harrapatuta

Gizon bat hil da gaur Gabirian, orga jasotzaile bat ('fenwick' motakoa) irauli eta azpian harrapatuta, Eusko Jaurlaritzako Segurtasun Sailak jakinarazi duenez.

Ezbeharra 11:15ean gertatu da, Ugarana goikoa auzoko baso pista batean, baserri batetik gertu.

Goierriko Hitza-ren arabera, hildakoa 53 urteko legorretar bat da. Antza, baserriko jabeari laguntzen ari zen pentsua biltegi batera eramaten. Gidatzen ari zen orga jasotzailea, baina, irauli eta azpian harrapatuta gelditu da. Tokian bertan hil da.