Gizartea -
ANDALUZIA
Emakume baten gorpua aurkitu dute Granadako hondartza batean
Gorpua deskonposizio egoera aurreratuan dago eta horrek identifikazio lanak zailduko ditu. Autopsiak argituko du heriotzaren zergatia.
AGENTZIA | ERREDAKZIOA
Emakume baten hilotza aurkitu dute gaur, ostirala, Granadako Peña Parda hondartzan, La Herradura udalerrian.
Guardia Zibilaren iturriek azaldu dutenez, paseoan zebilen pertsona batek topatu du gorpua 08:00ak aldera, hondarretan.
Gorpua deskonposizio egoera aurreratuan dago eta horrek identifikazio lanak zailduko ditu. Emakumeak soinean ditu jantziak, baina arropa hondatuta dago.
Ikerketa abiatu dute haren identitatea argitzeko. Autopsiak argituko du heriotzaren zergatia.
Hau zure interesekoa bada, baliteke beste gai hauek ere izatea